ወክትሪ ገሽ (ሽማግሌ) ፍንሕንሕ ሆደ ሙርቛ ብሊነሪ (ፍ.ሆ.ሙ.ብ)፣  ግርጋ  18  ትልድ 22 ለካቲት 2011ዓም፣ ሎንዶን እንግሊድ ብሪል፣ በልይንሲ አርቶ ጅልውቲ። ሎንዶን መንደርተው በላይጝር ሰላምዲ ዋዲኽ ዳሕነድ እንትድነት ዪኖ ሓየስድኖ ከለብርኑኹላ፣

ዕግሎት እርጋዅ፣ አርብ 18 ተዲ፣ ሰንበር ሹጓዅ 19ተዲ፣ ኣኾ፣ ሆደር እስታትድ ጋብነ፣  ደርብ ሆደሩኹ፣ ጃብትሮኽር ዳበርዶኽር ካቢሲሮ ዋነትሉ፣ ቆል ቱነድ ከምከምሱዅ። ኮዶ ብሊና አሪው እክብስና ከወው ኣጭጉም ማሕበሩሲ እንክኒል ኣኽኒ ፈሀም አርኖ ምህሮ ኮደውሲ መጢስኖ ከደምኖሎም ተዓየቡዅ። ኮዶ እኺርኺ ዋርዶታት ኣኽገትር መልእዱዅ።

ይና አውርናርዲ፣ ዪና ዓውዲዲ፣ ዪና ብረዲ፣ ጥሖ ድድነት፣ ናውክ ና ለበከዲክ ጋቢኒዅ።

ሆደኻ ግጅንለ ዪሰጋዅ ሙኹር ወረቢዅ ኣኸት፣ ጀበረት (ናጽነት) ደንቢ ሕኩምል ህንበው ኤሪትሪ ቁር ግን፣ እመሪ ሕኩምል ሰቀልስሮ ለመለም የውር ኤርትሪ ቁር ግን፣ ደንበር ጃበርልድ ኪድኖ ግን ዪሮ ናንትሲ ብጥ ስረ ጨብርና፣ ከታ ግን እማ ገድም ናንትልድ በሎቲከድር ርድቕድር (ቁጠበድር) ዓዋዲስኽር ዪና ጋብድር ጋመልኖ፣ ዪና አባይስኻ አሪ ጋባይልዲ ኣኽኖ ጨልገምኖ፣ ሆደት ዪና ርሕድር ዪና ማልድር ካብሲቶ፣ ንድኻ ተኸትል ኣኽን ሺራዅል መንደርትናኽር በልይን ዪና መድ አድኖ ተዓየኑዅ።

 ምህሮዲ ከበርዲ ለንካ ሆደ.ሙ..

20.02.2011