ሸዓብ ኤርትርይው ክብርዲ ብራ ኣርደት ና ኣክነስ ተክለብስሮ ተር-ተሪሲ እንተሩ እርገው
ከደኑ ወረስ ሕሳንዲ ጋብነዲሲ ና ብረስ ባርድኖሎም ሱክሱኑ እርግናዅ ወንቀራ ዋሳጋኽ
እንቕዋዲ እቡድ መራብዲትል ገእ ይኑዅ፡ ወጠናዅ ሕሳን ደርብ ኒውክ ና ገሽል ኣበስቶ
ደው ይዅ፡ደኣም ደንጎበድ ፍሪርድኖ ከብተ እርጋኽ ጋር፡እንሽኽ ናኽ ጉድኖ ናሓቅዲ ና
ናይዲር መታን ለመለም ይድኖ ከደን ፍና ካያ እርጉኽ።
እነ ንድ ሰበትድ ትካ ንኪር ግርጊ ላዅ መስከርም 54 ኣሜታት ጃብ 1961ትል ሸዓብ
ኤርትርይው ና ጀበረቲር መታን ዩኑ ለመልምሲ ናው ተር ሲነሪ ግርጋ ቲዃ ንርዅ ግን ይን
ከበርድናዅ።ሻዓብ ኤርትርይው ጭልምልድ በርህሊ ካርድኖ ተምነትኖ ግነሪ ግርጋ ካብሪ
ትል ከለልኒልድ ኻ ከበርድኖ ናሹር ኣርደት ኣኽድኖ ብተስ ሓከምስኑኹን ይኖ ኣበይትኖ
ከምከምስኖ ላ ግርዊ ሰና ደበልትኖ ጉነሪ ግርጋ ግን።ሕክም ኢትዮጵይኽሲ ኒቱ እርግላ
ባሓር ካርግልድ እንተው ኣብሽርካ የውሉ ዲ ኒ መጡ ኣኾ ካበውዲ ኒት ገደይሶውሉ ወረት
ክልውርኖሉ ሒል እሰ ኒጨር በለድ ሓከምሮ እንቶ እርጋዅ ኣባይ ከደኑኽ እርጉዅ።

To read full text click......Readmore.!