| ይና ሳቡር ትግራይ ሒልዲ ከውዲት ቋልኹድ |
 |
 |
 |
| Written by Administrator | |||
| Monday, 05 July 2021 17:07 | |||
 ሓይሳን ሽን ይን ብሊን ሆደር መቕርሑ ይና ማእኮት ይና ከዉ ብሊና ወረባ ስ ሳንኪቶዉሉ ገሪዉ ኣከዉድ ኒ ከዉስኽር ኒ ጋብስኽር ኒ ዓዋዲትር ተከዉሮ ለመለም የንቱታት ግን።
ሻዓብ ኣኻ ኣካንሊ ዋኒንን ዓምጭስጚን ለመለም ይናኽር ኣኽንንነዲን ይን ከተብነዉር ይና ማእኮትልድ ብርፍ ይኖ ግን።
ክሱሰን ጋይትኖ ህንብናኽር ኤውኒ እና ስደትል ገምዱኹንና፣ እና ድገታት ከልብርኖ መንደርደዉናኻ ይነልድ ጨበራኑኹ ዋኒረመሎም? ይኖ ወንቐርኖ ሻኽንኹን።
እመሪ ኒዉክ ደኮና ኤሪዉሲ ከብርኖኽር ከበርድኖኽር ኣከን ንኪ ጨገም ኤሪዉዱኹሲ ይናኹሰና እስነ ቛልኖሉ ቐደርነን ግን።
ይና ከዉታት ጋሻይ ከለብረዉ ሙቑል ኤሪዉዱ ጀረብገዉ ኣኽኒነዲን ይጝር ብሊን ሆደር መቕርሑ ናልድ ለዉናኹድ ፈርኖ ቖል ቱናኽር ግን።
እና ደርብ ይን ሻኽኖ ህንብናኹ ንኪትል ብርፍ ይኖ ክንተግነንሉ እክብስኖ ከደመጝነንሉ እመሪ ይነሪ ኣኽላ። እማ እንታ ካበነስ ጀረብነኩን ካያ ኣኽጊ እንታ ንሓርስኽር እንታ ወረበድ በቓቕጋ።
ሆደ ብሊን መቕርሕ
ሆደ ፋሪዕ እክባ ሙርቛ ብሊኑኹ/ ኤርትራ
ሓይሳን ብሊን ኤርትራ
ገርኹድክ ትክይረሪርዲ ነበከዲ ንሽቃ እንታደኩስነድ ሓመድኩንኩም፣ ሙቁላ ሓሰቡ እርጋኹ ንዛም ኢትዮጵዪል ህንባኽ ዋዲክ ፈሸለት ይናሻን ዕሙጫን ትግራይ ሕዝቢ ና ኤማንዲ ለመለምዲ ናልድ መሀርስኖ ሻኽኑኹን እና ይናኮል ህንባኹ ከውሲ ጨነዳኹሲ ኒስርልድ ምኩድኖሉ፣ እማ ሓየምስጋ የንታ ግን፣
እንተዳን
ፍስሓ ናይር
|
|||
| Last Updated on Sunday, 11 July 2021 12:31 |
mod_btslideshow
Saturday 19/12/2020 Live stream on 20:30 Berlin time.
