blina.org. ብሊና

ሕያስ አርሀ ሓመድናካ ር ቂልስና ብላሽ ፈርላ፣ ኒ እክባ ማሕበር ፋርዕ (SWEDEN'S SOCIAL DEMOCRATS) ሽብውድ ኣከጝር ዓውቲቱኹ። ዪነከው ተኸትልድር ሺራኹልድር ና ካበነስ በቐቕገውሲ ሓመድኑ ንደንብኽር ትክየው መደባተል ከደመው ዪና ከውታትሲ ካቢኖኽር ሓመድኖኽር ዪና ዋጅብ ጝን።

ዋዲክ ፈርሕረትር ፈርሕድነትር ፈርሕነትር ዪንኩን።

ስዊድሊ ገሪ ጋራት ትክየው ፈረኩ እንኩኹ፣ ዪና መኸላኻ ህበኩሎም። ሽዊድን ሰኾትረጝታተልድ ብርፍ ዪኖ ሻማ ብሊንኹ ዪኖ ጃብሰውግንና። ናጝር ዪና ሻን ስዊድንሊ ህንበው ዪነድ ካያ (ብሊንድ) ኣኽጚ ኮሊ ኤርትረት ምህሮዲ ኪዳ ኣብነዲ ጝን። ናልድ ላኹ ኩንጝ ሽንጝሩዉ ብሊነው ዪኖ ጀመርናኹሲ ሰለጥድና ጝን።

ዪና ሻን ስዩምዲ ፍሳሃጺዮንዲ ዳኑኤልዲ ኤሪው ሻንዲ ኣኽኖ ብሊን ሽግርው ምራድድር ክኺናርድር ግርም መደብ ጎልዪኹ ደኮት ዋስኑኹን። ዪና ፈርሓሲ ጃቢስኖ ከተብኖ ጀረብኑ ስለጥለና። ናጝር ኩራ ደኩለሉ እማ እና ብርፍድ እስተኹሲ ሓመድኑ ናውክ ብሊን ደቨደ ጂብነድ ኣኽን እና መደብ ኒስ ኣኻ ኣካልክ ኣኽሮ ዓደምትኖሎም ሳድነኩን። ሙርቛ ብሊናኹ ተረድሮ በሎትክድ ርድቕርድ ዓዋዲሲ ኽር ለመለም ናካ ሙኹር ኣኸት ኤርእኖ ከደምኖ ሙርቛ ብሊናኹ ሆደ ተክለበዲ። ኮዶ ሓይሳን ሻን ሽንግርው ዪና ሳህሮዲ ዪና ድግምዲት ስዳዋኹድ ዪና ለፈክል ደኩሰው ኣኸውድ ከባክቦት እስኒንሎም።

ህንብደናኹልክ ትክ እስነን ብሊንሲ ሰየዳኹዲ ክበርዳኹዲ ኣኸውድ ሰርገላ የቲ። ሆደ ናትክ ላ መኤዲሪል ኮፍ ሲቶ ንር ወቐይ ጝን ኒስ ሓሰበው ጨሪትኖና ጨበርነኩን።

ፋሪዕ እክባ ሙርቛ ብሊኑኹ