blina.org. ብሊና

Pal talk Room: 05 februari 2011

በላይን ይነዓዳት ተከውንን።

ኤርትራ በላይን ቑር ይነዓዳት ተከውንን ያኹ ኮዲል (Room) ዕለት 5 ኤርባ ሌጋ 2011ዓም ፍንሕንሕ ሆደ ምርቛ ብሊነሪ ለጛ ገሽሽ ንሩድ መቕርሕስሮ፣ ሻንድ ኩንቲ።

ኮደስ መቕርሐው ሻን፣  ከውሲ ሰላም ዩኖ፣ ኪዳ ኩንጝ እሲሮና ተምኔትነኩን ዩኖ፣ ሆደር ቆል ዋስድኖ ሆደት መቕርሕውድ ጋብሲሰነስ ደኵሱኑዅ።  

ገሽ ሆደሩዅር  ኮደስ ምቕረሔውሲ፣ ሓመዶ፣ ሳበ፣ ዲቢል ኮፍ ዮ ህንበውሲ ሓየስዶ፣ ሰላም ኩንጝ እሲሮና ተምኔቶ፣ ሆደር እስታትሲ ጂጛስ ብርፍ ሲዅ። ኮዶ ደኳዅ ወክትል ወብል ከተት ስጙጙ ከተብሰት፣ ኒንኻ እን ከዋ አወይሲ ዪነት ሓመምደትና ድዊዅ። ንድ ሰበትድ ሓረቕረው ሻንሲ ብሕልኽር ወንቐሩዅ።

ንድኻ ጂጛ ህነዲ፣ ናኸዲ፣ ሑር ሻኑዅ፣ በላይን ተምኔቱኑ ሰጘናዅ፣ ግብሪድ ብርፍ የት ቋልኑዅን። ሙርቛ ብሊኑዅ ፈሪዕድ እክብሶ (ዲሞክራስያዊ ጥርነፌ) ንናይሲ ቋለጘን፣ ለመለምር የጘን፣ ረሓሞ እዋኹሉ ዋኒገት ተንቢሁዅ። እማ ፍንሕንሕ ሆደ ሙርቛ ብሊናዅ፣ ብሊንድ ነጩፍዲ ሕልብዲ ኣኸውድ ኡሰሪ ነሳዅ እንግጋዅ ኒውክ ናይ ጀረባዅ ጉሮ ዋነትሉ ድግም ከውሲ ቋሊሱዅ።

እና ደኳዅ ወክትል መቕጠን ብሊናዅል ገመው ገምጭሲ ንሃበ ጋቢዅ፣

1.    ህግደፍ ብራ ሕኩመቱኽ ግን ዮ አወጀትልድ፣ ዔልበርዕድ ገፍድ፣ መጋርሕ ገፍድ፣ ሓልሓል ገፍድ፣ ሓጋዝ ገፍድ፣  ጣልያና መንተለውና ኪሺጝ አወይሲ፣ ህግደፍድ አደውና በጀኸት  ቋሊሱዅ።

2.    ህግደፍ ብራ ብሊናዅል ባሪ ሓዳይስ ፋብሪካት እሲሮልና፣ እን እማና ሰጘው ጎደና ኢንዳስትሪት (Agricultural industry) አበድና ውሪ ሓውንድና ግን ኒ ኣታቲን። ጀርዲን ዔለብርዕዱዅሲ፣ ሽባር እሰሎም፣ ናውክ አረስ ኮሊሩዅር ክደም ቢነ ሓጋለትድ ጀረብኖ ዋኒነት ሓበሩዅ።

3.    ህግደፍ ኮሊር ሰርፍ (National service) ዮ ደንገጛዅ፣ ድጉሰጛዅ እንሽክዲ፣ ኣኸውድ፣ ሻሎት መሸጚነክ ገሪው ጋይተነድ ሓበሩዅ።  

4.    ህግደፍ ካበና አርእላ ካበውስኽር ባርዶ ኒ ዕል ሃበለሉ። ንድኻ በካይድ ካበውሲ እሲ አበድነዲን ዪና ወረቢል ትግርድ ከው ገሪው ክረት ሓበሩዅ።

5.    ህግደፍ ለብሮ ዋነትሉ ናውክ ቓኣብሎታት እምነኵን ክድመትልኻ ላሕማ ሰጘለሎም፣ ናን ድኣም ሙሩቑ ፍንሕንሕ በከትነትልድ ገሽ ለመለምዅ ለውትሶ ዋነት ሓበሩዅ። ከዋ ዋዕላ እስተት ኒልኻ ሆደኽር ደምዕስረት፣ ንደንብኽር ዲባ ኮሊሩዅ ኣኽሮ ኣኸውድ ክድመትል ሰገርኖ ህንብነኵን ዪዅ። ብሊን ዪና አውርናሲ ፈራዕ ደርብድ (Democratically way) አዋሃብነ ለመለም ዪኖሉ ኣኸድ ፈይሕዶ ጋቢዅ።

6.    ፍንሕን ሆደ ሙርቛ ብሊነሪ፣ ብርፍ ይረትር ኤመራ እሰረት። ጃርሕልድር ንርከዋ ሒልድርኻ ሰርገል እስሩ ፈርደት እዳንዶ ጋቢዅ። ገሪው ዪና ዋንትና ጎሄዶሎም፣ ዪነት ዪና ከውልዲ ብንድ ሔገይድኖና ለመለም የነኵ። ሆደትል ክርጝሲ ናማልና ና ሓዋነትሲ ቋለኵ ውሪዅ የደነን፣ ክራዅ ጝድጝሊ ክርጛ ማለለሉ፣ ሪሕ ሻዅሲ ግን ክርጝ ማልዳዅ። ሆደ ንርከውዲ ስነዲ ሸብዲ ኣኽሮ ለመለም ዪረት ፈከርዱዅ።

እና ክቱብ ኒን ፣ ኮዳ በላይን ዓዋዲ ይነው ተከውንንዲ፣

ፍንሕንሕ ሆደ መርቛ ብሊናኹዲ ና ለጘር ፈሀምድ ደዃዅ ግን።

Blina.org ዪና ክቱባንሲ ቋላ፣ This e-mail address is being protected from spambots. You need JavaScript enabled to view it ንድኻ እረና፣