blina.org. ብሊና

ሳዳ መስከረሙኹ መልእኒ

እማ ሳዳ መስከረምሩኹ ድርጝ ያ ወክትል መልእሮ፣ ኡሰው ነሰኸው ጉንን። ኮዶ ሆደ እና ግርጋ ኒል ሳዳ ከዋዅሲ ሙኹርዶ ሰደርዶ ዋንትረት በሸርድኖኩም ባህ የኩና። ኒውክ ክደመትድ ግን ኒ ገእዪሳኹ፣ እማ ዪና ሙቑላ ደኩሮ፣ ድብላ ዪናክላኹሲ ትክስነ ደበልትንን። ላሕመዲ እኺርኺር ሲ ሙኹርነዲ ሓሸምድነዲ ለመለምዲ ናትከልድ መስከረም ሳድራዅ ግን።

ዪና ጃብል ህንባዅ ዲባ ኮሊሩዅል ሰርገልድ ዱጙሮ ዪና ናይሲ ጠፍሕድኖ ሕበርስኒን ጀረብደውሲ ኮዶ እስኒን።

ድርብ በዓላታ ፈር-ወንተርሊ ህንብነኩን።

እስላምድር ኪዳ በዓል፣ ዒድ ኣልፈጥር ዪነኩን።

ክስታንድር ኪዳ በዓል፣ መሰቐል ዪነኩን።

ፍዳታት ዪነው ቀሰንድኖ ሳዳ መስከረሙኹ ፍትሕዲ ሰልማዲሲ መልእኒ።

ሆደ ሙርቋ ብሊናኹ

ለንካ ከበርዲ ምህሮዲ

መስከረም 01, 2011