blina.org. ብሊና

ልሑማን አርዱ ዲባ ናይ ኣዳምሩዅ፣ ጉርጉርደሪ ሽማግሌ ኮሊ ኤርትራ

ልሑማን አርዱ ዲባ (UN Human Rights Council) ደዃኹ አርባ እንኳትል ሕኩም ኤርትሪኹ ትብታንድ ውሪ ድንጋሕድ ደባኑ ከውታተል ዳግል አሰው ዕምጭሲ ጉርጉርደሪ ሽማግሌ (Commission of Inquiry)  ላ ኤመረድ ብርፍ ሲነት ናውክ ዋስናዅ በሀር ሰርገል ጝን። እና ሽማግሌ ከውታተልድ ኤርደውሲ እንኩልኩልዶ ዲባ ፍትሕኹል ገምድቶሉ ግን። እና ቓበቦና ዪና ኣኾርሊ ሽኻኹሲ ጃር ኒድ ኤወሲ ሒልዲ

ዓቕምዲ ሻኸውድ  ደኩሶ ኡዎሉ ህንበኵ። ዪነልድ ጀረብዳኹ ኮዶ ዋኒነዲን ናውክ ኤሪትሪን እና ሽማግሌ ጉርጉርደሪት (Commission of Inquiry)  ዪን ኤርእነውስክ ደኩስኖልም ሻኽንኹን። 1991 ኤመራ ደንቢ ክሱሰን ብራ ብሊናኹል ገሪ ዕምጭ ከወል ገመድ ላ ክቱብ ሙርቛ ብሊን ስጙድ ደኩስኖ ጋመይነኩን እንኵንኹ። ሻን ሓይሳን ላኹክ ኒ መድ አድሮ  ፋነይኑ ፓል ቶክል ውሪ ኤሪ ደርብ ሳይበርድ ኮድጝኖ ዋጅብ ኣኸውድ እንታ ረኤይሲ ዪና መስከብድ This e-mail address is being protected from spambots. You need JavaScript enabled to view it ወንተሰልና፣ ኮዶ ሙርቛ ብሊኑኹ ቛላኹድ ክድመትል ዋንትደነን ዪነውሲ እንተውዲ ሕበሪኖ ሓበረና።

እክባ ሙርቛ ብሊኑኹ

DOBNE HODE